Aýyl muǵaliminiń ahýaly

Qazaq poezııasynyń alyby Qadyr Myrza Áli «Biz óte daryndy, talantty halyqpyz» degen edi. Sol talanttardyń deni aýyldan shyqqany da daý týǵyzbaıdy. Qaýyrsyn qanat qabiletti jetkinshekterdi tárbıelep, bilim berýde aýyl muǵalimderiniń eńbegi aıryqsha. Al, osyndaı eren eńbek jasap júrgen aýyl muǵalimderine qoldaý men qamqorlyq qaı deńgeıde?  Aldymen aýyl muǵaliminiń tur­mysy jaıly aıtsaq. Qala­men salystyrǵanda aýyl tur­­­ǵyndaryn tolǵandyratyn tir­shi­lik túıtkilderi kóp. Áli kúnge deıin kógildir otyndy tutyný múmkindigine jetpegen, qys kezinde qı, tezek, kómir jaǵyp otyrǵan aýyl turǵyndary bar. Aýyl muǵalimderiniń de kórgen kúni osy. Esil ýaqyt otyn kirgizip, kúl shyǵarýǵa ketedi. Olarǵa otyn alýǵa jumsaǵan shyǵyny da ótelmeıdi. Aýyl muǵalimderin qoldaýdyń joly qandaı? Qazir aýyl ákimdikteriniń bıýdjeti bar. Qarajat aýyldardy kórkeıtý men abattandyrýǵa jumsalmaq. Sol qarjynyń belgili bir bóligi aýyl muǵalimderine otyn alýǵa jáne kommýnaldyq qyzmet tó­lem­deri úshin bólinse durys bo­lar edi. Aýyl muǵalimderin qarjylaı qoldaýdyń mundaı úlgisi buǵan deıin bolǵan. Sony qaıta jańǵyrtsa qaıtedi? Aýyl muǵalimderi úshin úlken qoldaý bolar edi. Bilim jáne ǵylym qyz­met­ker­le­ri kásipodaǵynyń óńirlerde uıym­dary bar. Sol arqyly da aýyl muǵalimderin áleýmettik qol­daý máselesin sheshýge bolady emes pe? О́ńirlerdegi bilim berý sala­sy­nyń ókilderine áleýmettik je­ńildikter jasaý – olardyń már­tebesin kóterýdiń taptyrmas bir joly. Munyń syrtynda bilikti kadrlardy aýylda turaq­tan­dyrý degen mańyzdy másele taǵy bar. Aýyldyq jerde turyp qyzmet ja­saıtyn pedagog-mamandarǵa áleý­mettik jeńildikter týǵyzý isin­de salalyq kásipodaq uıym­la­rynyń rólin arttyrý da kezek kúttirmeıtin is. Respýblıkanyń kez kelgen óńirinde bilim jáne ǵy­lym qyzmetkerleriniń basyn qu­raıtyn kásipodaq birlestigi sol aımaqtaǵy eń iri salalyq uıym bolyp tabylady. Batys Qa­zaqstan oblysy boıynsha 28 myńǵa jýyq muǵalim ká­sip­odaq uıymynyń múshesi. Ob­lystyq bilim jáne ǵylym qyz­metkerleri kásipodaǵynyń taıaýda ótken plenýmynda aýylda turatyn muǵalimderge áleýmettik jeńildikter jasaý jónindegi másele oryndy kóterildi. Sala­lyq kásipodaqtyń tóraǵasy Marat Daýpaev oǵan múshe aýyl mu­ǵa­limderine saýyqtyrý jáne de­malys oryndaryna joldama berý ári olardyń balalarynyń jaz­ǵy demalystaryn uıym­das­ty­rý máseleleri udaıy nazarda ekenin atap kórsetti. Endi aýyl muǵalimderine áleýmettik qar­jylaı kómek jasalsa, tipti du­rys bolar edi. Temir QUSAIYN, «Egemen Qazaqstan» Batys Qazaqstan oblysy