qalalaryndaǵy HQO júktemelerin kórip otyrýǵa bolady
«Azamattarǵa arnalǵan úkimet» memlekettik korporasııasy Astana men Almaty qalalary HQO-larynyń júktemelerin baqylaý múmkindigin júzege asyrdy. Retteý zaly, qujattandyrý jáne bank kassalary qyzmetteriniń júkteme deńgeıin kórsetetin dınamıkaǵa silteme memlekettik korporasııanyń goscorp.kz resmı saıtynyń basty paraǵynda ornalastyrylǵan.
«Azamattarǵa arnalǵan úkimet» memlekettik korporasııasy» KE» AQ memlekettik qyzmetter ádisnamasy jáne monıtorıngi departamentiniń dırektory Gúljan Asanovanyń aıtýynsha, atalǵan servıs azamattarǵa qolaıly bolý úshin qurylǵan jáne olardyń HQO-ǵa barýyn aldyn ala josparlaýǵa múmkindik beredi.
«Osy dıagramma boıynsha adam meılinshe tez qyzmet alý úshin qaı HQO-ǵa barý kerektigin anyqtaı alady. Iаǵnı, eger oǵan kóshi-qon salasy boıynsha qyzmet kerek bolmasa, ýaqytsha tirkeý boıynsha qyzmet alýshylar aǵyny kóp HQO-ǵa barý qajet emes, ol kelýshiler sany az kez kelgen basqa Ortalyqqa júgine alady», deıdi.
Sonymen qatar, Gúljan Asanova ázirge tek Astana jáne Almaty qalalaryndaǵy HQO-larda júktemeni kórýge bolatynyn, jaqyn arada Qazaqstannyń basqa da qalalaryndaǵy HQO-larynda kelýshiler sanyn baqylaý múmkindigi qarastyrylatynyn atap ótti. Aqparat ár saǵat saıyn jańartylady eken.
«Egemen-aqparat»