Kýrchatovtaǵy Ulttyq ıadrolyq ortalyq qazaq ǵylymynyń ozyq damýyna ózindik úles qosyp keledi. Atalmysh ortalyq halyqaralyq bedeldi uıymdarmen, ásirese MAGATE-men tyǵyz baılanys ornatqan.
«Qazir ortalyq qaýipsiz ıadrolyq reaktorlardy paıdalaný jóninde mańyzdy ǵylymı jumys atqarýda. Taǵy bir atqarylǵan sharýa, bul – ıadrolyq suıyq otyndy óńdeý jáne uzaq ýaqytqa saqtaý», dedi Ulttyq jaratylystaný akademııasynyń akademıgi, Kýrchatov qalasyndaǵy Ulttyq ıadrolyq ortalyqtyń bas dırektory Erlan Batyrbekov arnaıy ótken baspasóz máslıhatynda.
– Búginde Qazaqstannyń Ulttyq ıadrolyq ortalyǵy búkil álemge tanymal. Ortalyq qurylǵannan bastap, ǵylymı-tehnıkalyq baza saqtalyp qana qoımaı, aıasy da keńeıdi. Zamanaýı úlgidegi zerthana jabdyqtaldy. Atom energetıkasy salasynan sheteldik áriptesterimizdiń qatarynda Japonııa, Fransııa, Belgııamen birge, UIаO-nyń tájirıbe bazasynda ıadrolyq reaktorlardy zertteýdemiz. «Tokamak» ıadrolyq reaktoryn EKSPO-2017 kórmesinde kórsetý jobamyzda bar, – deıdi bas dırektor.
Raýshan NUǴMANBEKOVA
SEMEI