Bishkek túbinde qulaǵan ushaqtyń qara jáshigi búgin tańerteń Máskeýge jiberildi, dep habarlaıdy QazAqparat. Bul týraly jýrnalısterge Qyrǵyzstan kólik jáne joldar mınıstri Jamshıtbek Kalılov málimdedi.
«Qara jáshikter búgin tańǵy 7.30-da Máskeýge jóneltildi. Eger ondaǵy málimetter Máskeýde oqylmasa, jáshikter Fransııaǵa nemese AQSh-qa jiberiledi», - dedi mınıstr.
Onyń aıtýynsha, 18 qańtar kúni Memleketaralyq avıasııalyq komıtettiń komıssııasy apat ornyna tekserý jumystaryn júrgizdi. Búgin de komıssııa óz jumystaryn jalǵastyrady.
Eske sala ketsek, 16 qańtarda saǵat tańǵy 7.31-de Bishkektiń Dacha-Sýý aýylynda áýejaıǵa jaqyn jerde Gonkongten Túrkııaǵa bet alǵan Boeing-747 júk ushaǵy qulady.