Keshe Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev Shveısarııa Prezıdenti – Syrtqy ister federaldyq keńesshisi (mınıstr) Mıshlın Kalmı-Reımen telefon arqyly sóılesti, dep habarlady QR SIM-iniń baspasóz qyzmeti.
Kezdesý barysynda suhbattastar qazirgi tańda aıtarlyqtaı oń nátıjege ıe bolyp otyrǵan ekijaqty qarym-qatynastyń perspektıvaly baǵyttaryn talqylady. Ústimizdegi jyldyń kókteminde Saýda-ekonomıkalyq yntymaqtastyq jónindegi úkimetaralyq komıssııanyń májilisin ótkizý týraly ýaǵdalastyqqa qol jetkizildi. Onda atalǵan baǵytty odan ári keńeıtý jáne tereńdetý jóninde naqty sharalar talqylanatyn bolady.
Q.Saýdabaev sondaı-aq, suhbattasyn kezekten tys prezıdenttik saılaýǵa daıyndyq barysymen tanystyryp, Qazaqstannyń aldaǵy elektoraldyq naýqandy halyqaralyq standarttarǵa saı ótkizýge nıetti ekenin atap kórsetti.