Batys Qazaqstan oblysy bıýdjetine 2016 jyly 148,3 mlrd. teńge tússe, sonyń ishinde kirisi - 136,9 mlrd. teńge, dep habarlady BQO qarjy basqarmasy.
Negizgi kiris kózderi respýblıkalyq bıýdjetten kelgen transfertter (70,3 paıyz) jáne salyqtyq túsimder (28,1 paıyz) bolyp tabylady. Respýblıkalyq qazynadan bir jyl ishinde 96,1 mlrd. teńge transfert tússe, sonyń 37,0 mlrd. teńgesi - sýbvensııalar. El bıýdjetinen kelgen maqsatty transfertter 59,1 mlrd. teńgeni qurasa, sonyń 52,5 mlrd. teńgesi - aǵymdaǵy transfertter, 6,6 mlrd. teńge damýǵa jumsaldy. Salyqtyq túsimder qurylymynda jeke tabys jáne áleýmettik salyqtyń úlesi 81,5 paıyzdy (31,3 mlrd. teńge) qurady.
Respýblıkalyq bıýdjetten berilgen 4,7 mlrd. teńge zaıymdyq qarjy «Dıplommen aýylǵa» baǵdarlamasyn júzege asyrý sharalaryna (1075,3 mln. teńge), «Jumyspen qamtýdyń jol kartasy - 2020» aıasynda kásipkerlikti damytýǵa (919,0 mln. teńge), jylý, sýmen qamtý júıelerin qaıta qurý men salýǵa (2554,3 mln. teńge), monoqalada (Aqsaıda) kásipkerlikti damytýǵa septesýge (152,1 mln. teńge) baǵyttaldy. Oǵan qosa «Nurly jol» baǵdarlamasyn júzege asyrý aıasynda turǵyn úı qurylysyn qarjylandyrý úshin oblys ákimdigimen 1,6 mlrd. teńgege memlekettik qundy qaǵazdar (oblıgasııalar) shyǵaryldy.