Elimizdegi qonaqúılerge toqtaıtyn sheteldik azamattardy endi onlaın tirkeýge bolady. Qyzmet kórsetýdiń jańa túri kelgen qonaqty bes mınýttyń ishinde eshqandaı kóshi-qon qyzmetiniń ókilderinsiz qonaqúıge tirkeı alady, - dep habarlaıdy Tengrinews.kz. Aıta keteıik, bul júıe elimizdegi barlyq qonaqúıge mindetteledi.
"Qonaqtardy onlaın tirkeý júıesi barlyq elde bar. Sondyqtan biz qazirgi ýaqytta áriptesterimizben jáne basqa organdardaǵy qyzmetkerlermen birige otyryp, elektrondyq úkimet portaly arqyly onlaın tártipte tirkeýdi engizdik", - dedi QR IIM Kóshi-qon polısııa departamenti basshysynyń orynbasary Erkin Baıbatchın.
Onyń aıtýynsha, shetel azamattaryn qonaqúıge tirkeý qyzmeti tegin bolady. Qonaq tirkelgen soń oǵan elektrondyq nusqadaǵy qaǵaz beriledi, ıaǵnı, shetel azamaty ony basyp shyǵaryp, pasportyna tirkep qoıady.
QR IIM Syrtqy kóshi-qon basqarma basshysy Nurǵalı Rıstanovtyń aıtýynsha, Qazaqstandaǵy barlyq qonaqúı shetel azamattaryn elektrondy portal arqyly tirkeýi kerek. "Bul erejelerdi oryndamaǵan qonaqúılerge qandaı sharalardy qoldanatynymyzdy áli sheshpedik. Jaqynda oılastyryp, sheteldik azamattardy tirkemegen qonaqúılerge qandaı jaýapkershiliktiń júkteletinin habarlaımyz", - dedi Nurǵalı Rıstanov.