Qytaı ekonomıkasynyń damý qarqyny 2015 jyly 9,6 paıyzǵa, 2016 jyly 6,7 paıyzǵa báseńdedi. Bul sońǵy 26 jyldaǵy eń tómengi kórsetkishter. Bul týraly QHR-nyń Memlekettik statıstıkalyq bıýrosynyń málimetterine súıene otyryp, Reuters habarlady.
Ekonomıka ósiminiń kórsetkishteri Qytaı bılgi ókilderiniń boljamdarymen sáıkes keldi. Alǵashqy úsh toqsanda JIО́-niń jyldyq ósimi 6,7 paıyzǵa jetti. Tórtinshi toqsanda 6,8 paıyzǵa artty. QHR-nyń ishki jalpy óniminiń kólemi jyl qorytyndysy boıynsha, 74,41 trıllıon ıýandi qurady (shamamen 10,84 trıllıon dollar).
Reuters agenttiginiń habarlaýynsha, Qytaı ekonomıkasynyń qazirgi tańdaǵy jaǵdaıy ótken jylmen salystyrǵanda myǵym ekendigine qaramastan, 2017 jyly onyń ósimin naqty aıtý qıyn bolyp otyr. Sonymen qatar bılik ókilderiniń ekonomıkanyń damý qarqyny jedeldetýge baǵyttalǵan sharalary da álsiz. AQSh-tyń saılanǵan prezıdenti Donald Tramptyń saýda salasynda proteksıonıstik baǵyt boıynsha júrgizip otyrǵan saıasaty Qytaı eksportyna qatysty máseleni qıyndyta túspek. Onsyz da múshkil jaǵdaıǵa ıýanniń qunsyzdanýy da keri áserin tıgizýde.