QR Ulttyq ekonomıka mınıstrliginiń Tutynýshylar quqyǵyn qorǵaý komıteti tóraǵasynyń orynbasary - Bas memlekettik sanıtarlyq dáriger Jandarbek Bekshınniń aıtýynsha, kásipkerlik nysandarǵa sanıtarlyq tekseris júrgizý kezindegi tártip buzýshylyqtardyń basym bóligi jas mamandardyń biliksizdiginen bolady.
«Iá, sanıtarlyq-epıdemıologııalyq tekserister kezindegi tártip buzýshylyqtar úshin biz de aıyptymyz. Odan qashpaımyz. Atalǵan kemshilikterdiń basym bóligi, naqty aıtsaq, 90 paıyzy ýnıversıtetten keshe ǵana kelgen jas mamandardyń moınynda. Ashyǵyn aıtý kerek, densaýlyq saqtaý mınıstrliginen ketkennen keıin biz maman tapshylyǵyn qatty seze bastadyq. Pedıatrlar máselesi qalaı ózekti bolsa, bizdegi jaǵdaı da solaı bolyp tur»,- deıdi Bekshın.
Búginde sanıtarlyq-epıdemıologııalyq qyzmet QR Ulttyq ekonomıka mınıstrliginiń Tutynýshylar quqyqtaryn qorǵaý komıtetiniń quramyna kiredi.