Ánýar Jumadildaev QR Qarjy mınıstrliginiń Qarjylyq monıtorıng komıtetiniń tóraǵasy qyzmetine taǵaıyndaldy. Bul týraly QR Qarjy mınıstrliginiń tvıtterdegi resmı akkaýntynda habarlandy.
Ánýar Serqululy Jumadildaev 1965 jyly 22 qyrkúıekte Qyzylorda oblysy Shıeli kentinde týǵan. P. Lýmýmba atyndaǵy Reseı Halyqtar dostyǵy ýnıversıtetin (1990), matematık; Batys Qazaqstan ınjener tehnologııalyq ýnıversıtetin (2006) bitirgen, qarjyger. 1990 jyldan - Almaty qalasy QazKSR GA Matematıka jáne mehanıka ınstıtýtynyń taǵylymdamashy-zertteýshisi.
1990 jyldan - P. Lýmýmba atyndaǵy HDÝ aspıranty. 1992 jyldan - Almaty qalasy «Fırma Apas» JShS kommersııalyq dırektory.
1997 jyldan - Almaty qalasy «Alaýgaz» AQ basqarýshysy, «Aksept-Profıl» JShS vıse-prezıdenti. 1997 jyldan - Almaty qalasy «Apaýgaz» AQ prezıdentiniń mindetin atqarýshy, prezıdenti.
2005 jyldan - Oral qalasyndaǵy Batys Qazaqstan oblysy boıynsha Salyq komıteti tóraǵasynyń orynbasary. 2008 jyldan - QR Qarjy mınıstrligi Aqparattyq tehnologııalar departamenti Aqparattyq-telekommýnıkasııalyq ınfraqurylym jáne aqparattyq qaýipsizdik monıtorıngi basqarmasy bastyǵynyń mindetin atqarýshy, bastyǵy. 2008 jyldyń jeltoqsanynan - QR Qarjy mınıstrliginiń Salyq komıteti Alkogol, temeki jáne ezge aksızdeletin enimdi ákimshilendirý basqarmasynyń bastyǵy, Aksızderdi ákimshilendirý basqarmasynyń bastyǵy.
2009 jyldyń sáýirinen beri QR Qarjy mınıstrliginiń Salyq komıteti teraǵasynyń orynbasary qyzmetin atqardy.