2016 jyly Qazaqstanda 5,6 myń názik jandy buzaqylyq jasady, dep habarlaıdy QazAqparat.
«Statıstıkalyq derekterdi taldaý kórsetkendeı, ótken jylda Qazaqstan Respýblıkasy «Ákimshilik quqyqbuzýshylyq týraly» kodeksiniń 434 baby boıynsha (usaq buzaqylyq) ákimshilik jaýapkershilikke 65 201 adam tartyldy, onyń 5 609-y - áıelder», - delingen QR Bas prokýratýrasy Quqyqtyq statıstıka jáne arnaıy esepke alý jónindegi komıtet málimetinde.
Kodekstiń atalǵan baby boıynsha ákimshilik jaýapkershilikke tartylǵandardyń negizgi bóligin 30 ben 40 jas aralyǵyndaǵylar qurady, ıaǵnı 18 339 adam jazalandy. Odan keıingi orynda 20 men 30 jasqa deıingiler tur - 17 647 adam, 40 pen 50 jas arasyndaǵylar - 14 432 adam, sondaı-aq 11 446 adam - 50 jastan asqan azamattar.
Anyqtalǵandaı, 20 jasqa deıingi jastar bul quqyqbuzýshylyqty sırek jasaıdy eken. Olardyń tarapynan 3 337 fakti tirkeldi.
Aıta keteıik, shekildeýik qabyǵyn, temeki tuqylyn jáne basqa da qoqystardy tastaý sııaqty qorshaǵan ortany lastaýmen baılanysty quqyqbuzýshylyqtar usaq buzaqylyq bolyp esepteledi.