Sınoptıkter 2017 jyldyń 21-23 qańtar kúnderine arnalǵan aýa raıy boljamyn jarııa etti, - dep habarlaıdy "Qazgıdromet" RMK.
"Demalys kúnderi jáne kelesi aptanyń basynda respýblıkanyń soltústik bóliginde qar jaýý, kórinýi 500 metr shamasynda nasharlaýymen boran, 15-20, jergilikti jerlerde 25 m/s jel jáne temperatýranyń joǵarylaýy kútiledi", - dedi mamandar.
Sondaı-aq, sınoptıkterdiń málimetinshe, Qazaqstannyń ońtústik jartysynda qar, sýly qar, tuman kórinýi 200-500 metr, kóktaıǵaq kútiledi. Al jeksenbi kúni respýblıkanyń ońtústiginde kúshti batys jeli sekýndyna 20-25 metrge deıin jetedi dep kútiledi.