«Jolaýshylar tasymaly» AQ «Tulpar-Talgo» júrdek poıyzdaryna úlken jeńildikter jasalatyndyǵyn jarııa etti, dep habarlady kompanııanyń baspasóz qyzmeti.
Sonymen qatar, buryn engizilgen ıkemdi jeńildikter men jolaýshylardyń 3 tobyna arnalǵan dıskontty kartalardyń da kúshi saqtalady: 1) «Qurmet» - 60 jas pen odan eresek adamdar úshin 30%; 2) «Jastar» - 16-25 jas aralyǵyndaǵy jastar úshin 30%; 3) «Saıahatshy» - turaqty jolaýshylar úshin 10% do 20%.
Osylaısha, dıskont kartasy bar jolaýshy jańa jeńildikter júıesin qosa alǵanda «Grand» pen «Bıznes» vagondarynda bıletterdi 75 paıyzǵa deıingi jeńildikpen satyp ala alady.
«Týrıst», «Bıznes» jáne «Grand» vagony úlgilerine 25 qańtardan bastap 40 paıyzǵa deıingi qosymsha jeńildikter jasalǵan poıyz tizimderin myna siltemeden kórýge bolady.