Ulttyq ulannyń «Ońtústik» óńirlik qolbasshylyǵyna qarasty 5571 áskerı bóliminiń saptyq alańynda Rıo Olımpıadasynyń chempıondary Dmıtrıı Balandın, Nıjat Rahımov jáne birqatar sportshylar saltanatty túrde áskerı ant qabyldap, resmı túrde Ulttyq ulan qataryna ótti. Bul týraly QazAqparat habarlady.
Ant qabyldaý saltanatty sharasynda Áskerı bólimniń jaýyngerlik Týy shyǵaryldy. Sportshylardy quttyqtaýǵa Ulttyq ulannyń «Ońtústik» óńirlik qolbasshylyǵy qolbasshysynyń mindetin atqarýshy general-maıor Andreı Kaskelenov keldi.
Áskerı ant qabyldaǵan Dmıtrıı Balandın erekshe kóńil kúıge bólengenin aıtyp, aǵynan jaryldy.
«Ulandyq jaýynger atanǵanyma shyn júrekten qýanyshtymyn. Buryn-sońdy qolyma qarý ustap kórmegendikten áskerı ant qabyldaý sátinde sál qobaljydym. Biraq Otan aldynda ózge de sarbazdar sekildi áskerı kıim kıip ant qabyldaý sáti maǵan erekshe áser etti. О́zime artylǵan mindetterdi abyroımen oryndap, elimizdiń, Ulttyq ulannyń namysyn qashan da bıik ustaýǵa tyrysamyn. Antyma adal bolamyn, Qazaqstan Respýblıkasyna qyzmet etemin!» – dedi Olımpıada chempıony.