Bıyl kóktemde Pavlodar oblysy Ekibastuz qalasynda kremnıı zaýyty salynady. Qurylys jumystaryn bastaý mamyr aıyna josparlanǵan, dep habarlaıdy oblys ákimdiginiń resmı saıty.
Zaýyttyń bastapqy jobasy boıynsha onyń óndiristik qýaty jylyna 35 myń tehnıkalyq kremnıı bolsa, keıin aımaqtaǵy ınvestısııalyq qolaılylyqqa baılanysty jobanyń jyldyq qýatyn 135 myń tonnaǵa deıin ulǵaıtý kózdelgen.
«Ekibastuz qalasyndaǵy №1 elektr stansasynyń janynan 70 gektar jer bólindi, – dedi «ANSA Silicon» JShS-niń ókili Bolat Toqtasynov. – Sonymen birge, biz stansanyń syrtqy elektrmen qamtý júıesine qosylýǵa tehnıkalyq shart aldyq. Iаǵnı, biz elektr qýatyn «KEGOC» AQ-tyń jelisi boıynsha emes, tikeleı stansanyń ózinen alatyn bolamyz. Sondaı-aq bólingen jer shıkizat oryndaryna jaqyn ornalasqan. Kvarsıt Qaraǵandy oblysynan, munaı koksy Pavlodardan, al aǵash kesindiler Reseıden tasymaldanady. Bul faktorlar bizdiń ónimniń baǵasynyń naryqtyq básekege qabilettiligin arttyrady dep úmittenemiz».
Jobaǵa quıylǵan ınvestısııalardyń jalpy kólemi 38 mıllıard dollardy quraıdy. 2019 jyly kásiporyndaǵy óndiristiń úshinshi kezeńin iske qosqannan keıin 600 jańa jumys orny qurylady.