Astanalyq sportshy ústel tennısinen álemdik týrdyń chempıony atandy, dep habarlaıdy QazAqparat.
Kırıll Gerasımenko – «ITTF World Tour» aqtyq synyna ótip, chempıon atanǵan Qazaqstan tarıhyndaǵy alǵashqy oıynshy.
Býdapeshtte ótken ústel tennısi týrnırinde joǵary sporttyq sheberlik mektebiniń sportshysy Kırıll Gerasımenko aqtyq oıynda 3:2 (17:15, 6:11, 6:11, 11:7, 15:13) esebimen fransýz Akkýza Kandy jeńip, chempıon atandy.
Alǵashynda Kırıll danııalyq sportshyny 3-0 esebimen jeńdi. Ekinshi oıynda ol 3:1 esebimen reseılik Saadı Ismaılovty basyp ozdy. Odan keıin belgııalyq sportshy Alegro Martınıdi 3-2 esebimen utty.
Álemdik týrdyń jartylaı fınalynda otandasymyz myqty qarsylaspen jolyqty. Reseılik Konstantın Chernovpen ótken tartysty oıynda Kırıll 3-1 esebimen basym tústi.