Uly aqyn Abaıdyń qoryq-murajaıynda «Shyraıly Shyńǵystaý» kórme-baǵy ashyldy. Murajaı dırektory Bolat Júnisbekov Shyńǵystaý tarıhı, shejireli ólke, Abaı, Shákárim, Muhtardaı alyptar dúnıege kelgen qasıetti jerdi halyqqa tanymdy-mazmundy baǵytta nasıhattaı bilý bizdiń paryzymyz, – deıdi. Kórmeni Shákárim ýnıversıtetiniń bıologııa kafedrasy uıymdastyrdy. Olar mýzeı qoryna qomaqty kolleksııa tapsyrǵan. Bul kolleksııalyq dúnıeler eki jyl boıy Shyńǵystaý óńirine jasalynǵan ekspedısııalardan alynǵan jádigerler eken. Kórmeni tamashalaýshylar Abaı týyp-ósken Shyńǵystaý aımaǵynyń tamasha tabıǵat kórinisteriniń kýási bolyp, janýarlar men ósimdikter dúnıesi, etnomofaýnasy, ornıtofaýnasymen tanysty.
Raýshan NUǴMANBEKOVA,
jýrnalıst
SEMEI