Almatydaǵy Dostyq úıinde Qazaqstan Jazýshylar odaǵy men Qazaqstan halqy Assambleıasy birlesip, «Máńgilik elim meniń – Vechnaıa strana moıa» atty kitabynyń tusaýkeserin ótkizdi.
Bul kitap – dostyqty murat tutqan elimizdiń ózindik poezııa gúl shoǵy sekildi. «An-Arys» baspasynan shyqqan jyr antologııasy elimizde turatyn túrli etnos ókilderi arasynan shyqqan 50 aqyn ózderi týyp-ósken óńirlerdi jyrmen beıneleıdi. Máńgilik eldiń ulandary kópultty ádebıetimizdiń tynysyn sezdiredi. Olardyń ana tilderinde jazylǵan jyrlardyń basy bir kitapqa biriktirilip, «Altyn qyran» halyqaralyq qaıyrymdylyq qorynyń qoldaýymen jaryq kórip otyr.
Shaıyrlar bas qosýy ár ulttyń án-jyryna ulasty. Oǵan qatysqan qaladaǵy etnomádenı uıymdardyń músheleri, belgili aqyn-jazýshylar jyrlaryn oqyp, birlik kúshiniń yntymaqta ekenin pash etti. Dostyqtyń qýatty áseri adamdy bólek bir maqtanysh sezimine bóleıdi.
Saparbaı PARMANQULOV,
«Egemen Qazaqstan»
ALMATY