Investısııalar jáne damý mınıstri Jeńis Qasymbek Davosta Dúnıejúzilik ekonomıkalyq forýmnyń is-sharalaryna qatysty. Qazaqstan delegasııasyn bastap barǵan mınıstr elimizdiń kólik haby men ınvestısııalyq múmkindikterin tanystyrdy.
Investısııalar jáne damý mınıstri forýmnyń «Tórtinshi ındýstrııalyq revolıýsııaǵa daıyndyq» taqyrybyndaǵy paneldik sessııaǵa qatysty. Onda Mark Benef, Bıll Geıts, Djek Ma, Bıll Makdermott, Chak Robbıns sııaqty taǵy da basqa álemdik tehnologııa salasynyń iri tulǵalary boldy. Sessııaǵa qatysýshylar tórtinshi ındýstrııalyq revolıýsııaǵa qalaı ázirlený kerek, onyń qazirgi jumys oryndaryna jáne jalpy bazalyq kiriske qatysty áseri qandaı degen máselelerdi talqylady.
Forým alańynda Jeńis Qasymbek Qazaqstanda óz jobalaryn júzege asyryp jatqan jáne josparlap otyrǵan ınvestısııa, ónerkásip, jer qoınaýyn paıdalaný, hımııa salasynda jumys isteıtin «Enerco Distribuzione», «Glencore», «FT CNBC Nightcap», Evonik AirSpan, Sun Group sııaqty birqatar sheteldik kompanııalar jáne ınvestısııa salasyndaǵy uıym basshylyǵy ókilderimen iskerlik kezdesýler ótkizbek. Sondaı-aq, mınıstr perspektıvaly ınvestısııalyq jáne ınfraqurylymdyq jobalar boıynsha japonııanyń «JETRO» ınvestısııalyq agenttigimen, «Infraqurylymdyq ınvestısııalar Azııalyq bank» basshysymen jáne EQDB vıse-prezıdenti Alen Pılýmen kelissózder júrgizdi.
Budan bólek, Investısııalar jáne damý mınıstri «Naryq kapıtalyn damytý úshin sheteldik ınvestısııalardy tartý» jáne «Jibek jolynyń tıimdiligi» taqyrybyndaǵy sessııalarǵa qatysady. Onda álemniń kóptegen elderine Qazaqstannyń kólik haby men ınvestısııalyq múmkindikteri tanystyryldy, dep habarlady atalmysh vedomstvonyń baspasóz qyzmeti.