Qazaqstan Teńiz munaıynyń 15% ishki naryqqa baǵyttalýy múmkin, dep habarlady Energetıka mınıstrliginiń baspasóz qyzmeti.
«Ishki naryqqa munaıdy jetkizý О́nimdi bólisý týraly kelisimde qarastyrylǵan. Oǵan sáıkes, memleket ishki tapshylyq bolǵan jaǵdaıda, qajettilikti qanaǵattandyrý úshin merdigerden munaıdyń 15% deıingi kólemin alýǵa quqyly», – delingen habarlamada.
Aıta keteıik, qazirgi ýaqytta 27 mıllıon tonna jeńil munaı óndirilip jatyr. Al ótken jyly ken ornynda úshinshi býyn zaýytynyń qurylysy bastalǵan. Onyń qurylysy aıaqtalǵan soń, Teńizdegi munaı óndirisi jylyna 37 mln tonnaǵa jetetin bolady. Otandyq munaı óńdeý zaýyttarynda shıkizatqa degen tapshylyqtyń bolmaýyna baılanysty, Teńizdiń barlyq munaıy eksportqa jiberiledi.