«Báıterek» ulttyq basqarýshy holdınginiń baspasóz qyzmetiniń habarlaýynsha, búgin «Báıterek» UBH» AQ basqarma tóraǵasy Erbolat Dosaev «Qazaqstannyń Turǵyn úı qurylys jınaq banki» AQ ujymyna jańa basshyny tanystyrdy, dep habarlady "Báıterek" ulttyq basqarýshy holdıngi" AQ baspasóz qyzmeti.
«Banktyń basshylyǵyna Dırektorlar keńesiniń múshesi, 2016 jyldyń 3 aqpanynan bastap «Báıterek» Holdıngi basqarma tóraǵasynyń orynbasary qyzmetin atqarǵan Lázzat Ibragımova taǵaıyndaldy.
Jańa basshyny tanystyra otyryp, Erbolat Dosaev Lázzat Ibragımovanyń «Báıterek» Holdıngi qurylymy aıasynda jetken jetistikterin, «Turǵyn úı qurylys jınaq bankin» jańa deńgeıge kóterýge septesetin kásibı biliktiligi men jeke qasıetterin atap ótti.
L.Ibragımova Gýmılev atyndaǵy Eýrazııa gýmanıtarlyq ýnıversıtetinde oqytýshy qyzmetinen bastap, «Báıterek» Holdıngine kiretin jáne basqa da iri damý ınstıtýttarynyń basshylyǵyna deıingi laýazymdardy atqarǵan.
Túrli jyldary BUU Damý baǵdarlamasy jobasynyń ekonomıkalyq damý boıynsha ulttyq sarapshysy, «Damý» kásipkerlikti damytý qorynyń saraptaý men damý strategııasy, oqytý men konsaltıng, korporatıvti damý departamentteriniń basshysy, «Samuryq-Qazyna» UÁQ» AQ arnaıy baǵdarlamalar departamentiniń bas menedjeri qyzmetterin atqardy. 2011 jyldan beri «Damý» kásipkerlikti damytý qory» AQ basqarma tóraıymy laýazymynda jumys istedi.
Aıta keteıik, «Qazaqstannyń Turǵyn úı qurylys jınaq banki» «Báıterek» Holdınginiń enshiles uıymy bolyp tabylady.