«QazMunaıGaz» ultyq kompanııasy jumys izdep júrgen mamandardy jańa saıtta tirkelýge shaqyryp otyr. Sol jerde túıindemeni qaldyryp, ony únemi jańartyp otyrýǵa bolady. Kompanııada jańa vakansııalarǵa irikteý jumysy barysynda jumysqa shaqyryp qalýy ábden múmkin, dep habarlaıdy QazAqparat.
«QazMunaıGaz» UK AQ HR departamentiniń komandasy joǵary bilikti kandıdattardy tartý boıynsha servısti jetildirý jáne jaqsartý úshin kún saıyn jumys júrgizip otyrady. Biz Sizderge jańa bos oryndar saıtynyń iske qosylǵanyn qýanyshpen habarlaımyz! Endi Sizder óz túıindemelerińizdiń jaǵdaıyn baqylap, jańarta alasyzdar, aqparattardy taratýǵa jazylýǵa bolady jáne basqa da kóptegen paıdaly fýnksııalar bar. Jańa saıtpen Sizder myna http://work.kmg.kz/ siltemearqyly tanysa alasyzdar. Sonymen qatar, eger túıindemeńiz kandıdattardyń túıindemeler bazasynda saqtalǵanyn, Sizge bos oryndar týraly tıisti aqparat kelgenin jáne bizdiń jańa pozısııalarǵa irikteý kezinde eskergenimizdi qalasańyz, jańa saıtta tirkelýińizdi suraımyz», - delingen kompanııanyń resmı habarlamasynda.
Aıta keteık, «QazMunaıGaz» kompanııasy 2002 jyly Prezıdenttiń úkimimen qurylǵan bolatyn. Negizgi maqsaty - munaı-gaz keshenin damytý. Kompanııa «Samuryq-Qazyna» ulttyq ál-aýqat qorynyń quramyna kiredi.