Amerıkalyq ǵalymdar balmuzdaq pen onyń quramyndaǵy qospalary adam densaýlyǵyna zııandy ekenin anyqtady. Bul týraly mir24.tv habarlady.
Balmuzdaq júrek-qan tamyrlary júıesiniń aýrýyn órshitetindikten mamandar tátti taǵamnyń zııansyz túrin daıyndaýǵa kirisip ketti. Málimetter boıynsha onyń ishine ınsýlt pen júrek talmasynyń aldyn alatyn, sondaı-aq sýyq temperatýra kezinde de ózindik qasıetterin saqtap qalatyn palıfenol kiredi. Ol jańǵaqtyń, keptirilgen jemistiń jáne qara shokoladtyń bir bóligi bolyp esepteledi.
Mamandar 14 eriktiniń qatysýymen balmuzdaqty jańǵaqpen jáne kakaomen aralastyryp dámin tatqyzǵan. Nátıjesinde, adam boıyndaǵy qan aınalymy men fızıkalyq qalpy jaqsara túsken. Analız jumystary aıaqtalǵannan keıin qan quramynda arterııany emdeıtin oksıd azotynyń kóp bóligi bar ekendigi de belgili boldy.
Sonymen qatar, profılaktıka retinde kúndelikti paıdalaný úshin ǵalymdar polıfenoldy dári kúıinde ázirlep shyǵýdy usynyp otyr.