Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev Bretton-Výdsty jańǵyrtý komıtetiniń Bas dırektory Mark Ýzanmen kezdesý ótkizdi. Bul týraly primeminister.kz habarlady.
Kezdesýde jańa ekonomıkalyq syn-tegeýrinder turǵysynan alǵandaǵy yntymaqtastyq keleshegine qatysty máseleler talqylandy. Komıtet – Qazaqstannyń ekonomıkalyq ártaraptandyrý jáne turaqty damý úderisterin ilgeri jyljytý jónindegi seriktesi.
Aıta keteıik, Bretton-Výdsty jańǵyrtý komıteti – 1994 jyly onyń qazirgi bas dırektory Mark Ýzannyń (Nıý-Iork q.) Bretton-Výds konferensııasynyń 50 jyldyǵyn merekeleý aıasynda negizin qalaǵan kommersııalyq emes uıym.
Komıtet qyzmeti jańa ekonomıkalyq syn-tegeýrinderge álemdik qarjy arhıtektýrasy men valıýta júıesin beıimdeýdi maqsat etetin, joǵarǵy deńgeıdegi qatysýshylar arasynda ashyq dıalog uıymdastyrýǵa baǵyttalǵan.