О́miri óleńmen órilgen

arqaly aqyndy eske alý shyǵarmashylyq keshi ótti Aqynnyń ósken ortasy – aıaý­ly Aıyrtaý atyraby, syr­l­y Syrymbet, erke Esil jaǵa­sy, symbatty Saýmalkól, jaý­haz­daı Jalǵyztaý, qasıetti Qo­s­kól, Qamysaqty boıy. Jal­ǵan dúnıege shyr etip kelip, kin­digi kesilgen týǵan jeri, Úkili Ybyraı, Birjan sal, Aqan seri, syrbaz Sáken sekildi kómeı­leri­nen jyr tógilgen talant­tylar shoǵyry onyń qııalyn qanattandyryp, jan saraıyn sulýlyqqa qushtar etti. О́miri óleń­men órilip, áýeni ánge ulas­qan týma talant ıesi keshegi sal-serilerdiń súrleý jolyn jalǵap, elin, jerin júregimen jyrlap ótti. Jyrlary men ánderi artyna óshpes mura retinde qalyp, halyq júregine uıalady. Kózi tirisinde «qazaq poezııasynyń jezkıigi» atanǵan kórnekti aqyn Kákimbek Salyqovtyń 85 jyldyǵy qa­sıet­ti Qyzyljar óńirinde keńi­nen atap ótilip, aqyndyq, qaı­rat­kerlik, kompozıtorlyq tulǵa­syna jan-jaqty baǵa berildi. N.Pogodın atyndaǵy orys drama teatrynda ótken «Ult úshin Ulytaýdaı uly qazaq» atty shyǵarmashylyq kesh­ke eli­mizdiń ár túkpirinen qadirli qo­naq­tar, Qazaqstan Jazý­shylar odaǵy tóraǵasynyń oryn­ba­­sary Janarbek Áshimhan, mar­qum­­nyń uly Erlan, nemeresi Dınara, týǵan-týystary arna­ıy keldi. Oblys ákiminiń birin­shi orynbasary Aıdarbek Saparov qazaqtyń aıaýly per­zent­i­niń taǵylymǵa toly ómiri men qyz­metine toqtalyp, soltús­tik­qazaq­stan­dyqtar úshin orny bólek, erekshe ekenin, esimi árkez maq­tanyshpen atalatynyn, eske alý keshi dástúrge aınalatynyn jetkizdi. Kesh áserli áńgimelerge, eskir­meıtin estelikterge, saz­dy áýenderge toly boldy. Aıtys­tyń aqtańgeri Amanjol Áltaev «Ar­naýyn­da» kesteli jyr shýmaq­taryn tógildirdi. О́lgenshe ózeginen óleń órip, О́mirge jyr qazany qaınap keldi. Qazaǵym kúnde týmas Kákimbekteı, Qanyshtyń izin basqan  qaıratkerdi, dep sýyrypsalma mashyǵymen óner­súıer qaýymdy bir silkin­dirdi. Qazaqstannyń eńbek sińirgen ártisi Qapash Qulysheva óz sózinde «men qazaqtyń birtýar perzentimen 1976 jyly tanys­tym. Án álemine qumartyp júr­­genim­di baıqap, úlken sah­nalar­dan kórinýimdi únemi qoldap júr­di. Onyń «Bir aýyz sóz», «Ańsaý», «Saryarqa», «Aqqý jet­ken», taǵy basqa lırıkalyq jyr­lary men ánderinde adam men tabı­ǵat­tyń ishki úndestigi kere­met úılesim tapqan» deı kelip, «Jezkıik», «Qaldyrǵan» ánderi­men jınalǵandardyń qulaq qury­shyn qandyrdy. Kákeńniń Sary­ar­qa­nyń tósin­de jezkıikteı júıtkigen kú­mis qanat jyrlaryna kóp­te­gen kórnekti kompozıtor­lar án jazǵan. Solardyń biri, Jaǵy­par Álimhanov Kákeńe arnaǵan «Saǵynysh» kúıin kúmbirlete oryndap berdi. Onyń nemeresi, halyq­ara­lyq «Shabyt baıqaýy­nyń» laýreaty Sáken Álimhanov, Qazaqstannyń eńbek sińirgen ártisi Serik Ospanov, jyr músháı­ra­synyń «Gran prı» júldesiniń ıegerleri, aqyn­dar Erlan Júnis, Baýyrjan Qara­ǵyzdyń án, jyr shashýlaryn jurtshylyq rııasyz sezimmen qabyldady. О́mir ESQALI, «Egemen Qazaqstan» Soltústik Qazaqstan oblysy Sýretterdi túsirgen Talǵat TÁNIBAEV