Qazaqstan Prezıdenti Respýblıkalyq bıýdjettiń oryndalýyn baqylaý jónindegi esep komıtetiniń tóraǵasy Qozy-Kórpesh Jańbyrshındi qabyldady. Bul týraly Aqordanyń baspasóz qyzmeti habarlady.
Memleket basshysyna Q.Jańbyrshın Esep komıtetiniń 2016 jylǵy jumysynyń negizgi nátıjeleri, sondaı-aq aldaǵy kezeńge arnalǵan mindetteri týraly baıandady.
Budan bólek, Esep komıtet tóraǵasy Qazaqstan Prezıdentin «Memlekettik aýdıt jáne qarjylyq baqylaý týraly» zańnyń iske asyrylýy jolynda qabyldanyp jatqan sharalar jóninde habardar etti.
Sonymen birge, Q.Jańbyrshın Esep komıtetindegi jáne memlekettik aýdıt nysandaryndaǵy sybaılas jemqorlyqqa qarsy kúres is-sharalary jóninde málimdedi.
Sońynda Esep komıtetiniń tóraǵasy Memlekettik aýdıtor biliktiligin alýdan úmitkerlerdi sertıfıkattaý jónindegi ulttyq komıssııanyń 2016 jylǵy atqarǵan jumysy týraly aıtyp berdi.
Nursultan Nazarbaev kezdesý sońynda birqatar naqty tapsyrma berdi.