«Egemen Qazaqstan» RG» AQ tóraǵasy Darhan Qydyráli gazettiń Almatydaǵy tilshiler qosynynda bolyp, basylymda 1975 jyldan beri taban aýdarmaı qyzmet istep kele jatqan «Qazaqstan Respýblıkasy Aqparat isiniń úzdigi», Qazaqstan Jýrnalıster odaǵy syılyǵynyń ıegeri Gúlzeınep Sádirqyzynyń (Ábdirahmanova) zańdy eńbek demalysyna shyǵýyna baılanysty «Maqtaý gramotasyn» tapsyryp, ıyǵyna kamzol japty. Qalamy qarymdy jýrnalıstiń orasan eńbek tájirıbesi jańa býynǵa úlgi ekenin, bolashaqta da Almaty qosynyndaǵy áriptesterimen shyǵarmashylyq baılanystyń úzilmeıtinin aıtty.
Ardager jýrnalıstiń Talǵat Súıinbaı, Saparbaı Parmanqulov, Aınash Esalı sııaqty áriptesteri Gúlzeınep Sádirqyzynyń ózine tán jazý ereksheligi men sheberlik oı-oram támsilderi, jalpy adamı-azamattyq qasıetteri týraly jyly-jyly pikirlerin ortaǵa saldy.
Basylym basshylyǵyna, úzeńgiles áriptesterine aqjarma kóńilden alǵysyn jaýdyrǵan qalamger, ana, qaıratker Gúlzeınep Sádirqyzy 100 jylǵa jýyq ǵumyry bar bas gazettiń sońǵy kezeńde túbegeıli ózgergen bolmysy men pishimin basylymnyń quramynda júrip 42 jyl mańdaı terin tókken janashyr-jýrnalıst retinde óte jyly qabyldaǵanyn aıtty. Qazaq baspasóziniń qara shańyraǵy, el gazeti «Egemen Qazaqstannyń» shyǵarmashylyq jolda ejelgi tarıhı dástúrge saı árdaıym da alǵy shepte júretinine senimmen qaraıtynyn júrek tolqynysymen jetkizdi.