2017 jyly saýdaǵa shyǵarylatyn memlekettik menshiktegi nysandar belgili boldy. Bul týraly Ortalyq kommýnıkasııalar qyzmetindegi baspasóz máslıhatynda QR Qarjy mınıstrligi Memlekettik múlik jáne jekeshelendirý komıteti tóraǵasynyń orynbasary Ǵalymjan Ybyraıymov málimdedi.
«Ústimizdegi jyl ınvestorlar úshin tartymdy bolady dep oılaımyn. Bıyl biz top-65 nysandaryn satýdyń belsendi satysyna ótemiz. 2017 jyly bul iri nysandar tizimnen satylymǵa 17-si qoıylady. Sonymen qatar biz 264 nysandy saýdaǵa shyǵaratyn bolamyz. Munymen qosa, ótken jyly memlekettik menshiktegi nysandardy túgendeý nátıjesi boıynsha qosymsha 105 nysan anyqtaldy jáne olar satylym josparyna engiziledi»,-dedi Ǵ. Ybyraıymov.
Bir aıta keterligi, 2017 jylǵa josparlanǵan iri nasandar arasynda «Apattar medısınasynyń temir jol gospıtaldary» AQ, «SK-Farmasııa» JShS, «Qazmedteh» AQ, «Ulttyq ǵylymı medısınalyq ortalyq», «Astana qonaq úıi» AQ, «Eýro-Azııa Eır» áýe kompanııasy, «Qaztemirtrans» AQ, «ASTANA SOLAR» JShS, «KAZAKHSTAN SOLAR SILICON» JShS, «KAÝSTIK» AQ jáne ózge de kompanııalar bar.