Italııa úzdik ondyqtan úmitti

Italııanyń sportshy stý­dent­teri Ýnıver­sıa­da-2017 kezinde jalpy­komandalyq esepte úzdik ondyq­tyń qataryna enetin­derine senip otyr. Almatyda ótetin XXVIII Dúnıe­júzilik qysqy Ýnıversıadaǵa Ita­lııa­nyń sport delegasııasy qura­mynda 62 sportshy qatysady. Ko­man­­da Italııanyń shańǵy sporty fede­­ra­sııasynyń qatań baqy­laýy­men daıyndyqtar júrgizgen eken. Bul eldiń sportshylary dástúrli túrde taý shańǵysy jáne konkımen júgirý, frıstaıl jáne mánerlep syrǵanaý sekildi sport túrlerinde basym sanalady, sondyqtan osy jarystarda joǵary marapattar úshin kúresetin bolady. Italııanyń jastary Ýnıversıada-2017 kezinde jal­py­komandalyq esepte úzdik on­dyq­tyń qataryna enýden úmitti. Aldyńǵy ýnıversıadalarda Ita­lııa osyndaı joǵary reıtıngke jetip, oıyndarǵa qatysyp otyrǵan búki­l kezeń ishinde sol ornyn saqtap keledi. Italııa quramasynyń delegasııa basshysy Eýgenıo Mechchıoz basty qar­sy­lastary retinde Shveısarııa, Fran­sııa jáne Avstrııany atap otyr. Ýnıversıadany ótkizip otyr­­ǵan Qazaqstan eli ıtalııalyq sport­­shy­larǵa birshama tanys. Birneshe jyl buryn Italııa stýdenttik sport qaýym­­dastyǵynyń sportshylary men ókilderi Qazaqstanda konkı­men júgirý sportynan ótken halyq­ar­a­lyq jarys­tarǵa qatysqan bolatyn. Italııa sportshylary Almaty­daǵy jarystarǵa qatysatyn barlyq elderdiń oıynshylaryna «BUONA FORTUNA!» deıdi.