Aýa raıynyń qolaısyzdyǵyna baılanysty elimizdiń alty óńirinde túrli baǵyttar boıynsha avtojoldar jabyldy, dep habarlaıdy QR IIM tótenshe jaǵdaılar komıteti.
Astana qalasynda 24 qańtar saǵat 20:00-den bastap (burqasyn, kórinýdiń shektelýi) «Astana-Kókshetaý» respýblıkalyq mańyzdaǵy a/j avtokóliktiń barlyq túrleri úshin jabyq.
Aqmola oblysynda 24 qańtar saǵat 20:00-den bastap (qar, burqasyn, joldyń nashar kórinýi) «Astana-Petropavl» kúre joly (18-230 shaqyrym aralyǵy Astana qalasy – Shýchınsk qalasy), «Jaqsy-Esil-Buzulyq» avtojoly (0-82 shaqyrym aralyǵy, Jaqsy aýyly - Buzulyq aýyly), «Qostanaı-Áýlıekól-Sýrgan» avtojoly (232-260 shaqyrym aralyǵy, Qostanaı oblysynyń aýmaǵy – Sýrgan aýyly), «Jezqazǵan-Petropavl» tas joly (377-595 shaqyrym aralyǵy, Qostanaı obl. aýmaǵy – SQO), «Ekaterınbýrg-Almaty» avtojoly (856-1006 shaqyrym aralyǵy, SQO aýmaǵy – Atbasar q.) barlyq avtokólik túrlerine jabyldy.
Pavlodar oblysynda 23 qańtar saǵat 19:40-tan bastap «Pavlodar oblysynyń qurylys, jolaýshylar kóligi jáne avtomobıl joldary basqarmasy» MM telefonhatyna sáıkes, aýa raıynyń nasharlaýyna baılanysty (boran, kórinbeý) oblystyq mańyzdaǵy «Shaqat-Vostochnoe-Shaldaı» (0-121,6) avtojolynyń ýchaskesi barlyq kólik túrleri úshin jabyldy.
Qaraǵandy oblysynda 24 qańtar saǵat 11:35-ten bastap (burqasyn, joldyń nashar kórinýi) «Ulytaý aýdany-Qostanaı obl. shekarasy» (136-252 shaqyrym aralyǵy, «Jezqazǵan-Petropavl» avtojoly) bóliginde barlyq avtokólikke qozǵalys shekteldi.
Qostanaı oblysynda 24 qańtar saǵat 19:00-den bastap (burqasyn, joldyń nashar kórinýi) R-36 «Qostanaı-Áýlıekól-Sýrgan» avtojoly (108-232 shaqyrym aralyǵy, Áýlıekól aýylynan – Aqmola oblysynyń shekarasyna deıin), A-16 "Jezqazǵan-Petropavl" kúre joly (252-377 shaqyrym aralyǵy, Qaraǵandy oblysynyń - Arqalyq - Aqmola oblysynyń shekarasyna deıin) barlyq avtokólikke jabyq.
24 qańtar saǵat 19:00-den bastap «Jolaýshylar kóligi jáne avtomobıl joldary basqarmasy» MM telefonhatyna sáıkes, (boran, kórý múmkindiginiń shektelýi) oblystyq mańyzdaǵy «Arqalyq -Torǵaı» (0-288 shaqyrym aralyǵy, a/j «Áýlıekól -Joldama», 0-257 shaqyrym aralyǵy, a/j «Qoıbaǵar-Sevastopol» 0-124 shaqyrym aralyǵy) avtojol ýchaskesinde barlyq kólik úshin qozǵalys toqtatyldy.
Soltústik Qazaqstan oblysynda 25 qańtardan bastap (kúshti burqasyn, 25 m/s-qa deıingi jel) barlyq baǵyttar boıynsha oblystyq mańyzy bar joldar jabyq.