Qazaqstan Premer-lıgasyndaǵy eń qymbat fýtbolshylardyń biri Gerson Asevedo «Qaırat» sapynan ketýi múmkin. Sebebi, bul fýtbolshy Túrkııa jerinde oqý-jattyǵý jıynyna attanǵan tizimge ilikpedi. Bul týraly vesti.kz habarlady.
«Qaırat» keshe Túrkııadaǵy ekinshi jattyǵý jumystaryna kiristi. Jattyǵý jıyndary 8 aqpanǵa deıin jalǵasady. Osy ýaqyt aralyǵynda komanda tórt joldastyq kezdesý josparlanǵan.
Búgin klýbtyń resmı saıty jattyǵý jıyndaryna attanǵan fýtbolshylardyń tizimin jarııalady. Bul tizimde Gerson Asevedo men Brýno Soaresten basqa negizgi quramnyń barlyq oıynshylary bar. Ekeýi de birinshi jattyǵý jıyndaryna qatysqan. Komanda basshylyǵy bul jóninde eshqandaı málimdeme jasamady.
«Qaırattyń» oqý-jattyǵý jıyndaryna shaqyrtý alǵan fýtbolshylardyń tizimi:
Vladımır Plotnıkov, Stas Pokatılov, Oleg Grýbov, Tımýr Rýdoselskıı, Iаn Vorogovskıı, Jarko Markovıch, Islambek Qýat, Mıhaıl Bakaev, Baýyrjan Islamhan, Isael Barboza, Jerar Goý, Ermek Qýantaev, Sezar Arzo, Baýyrjan Turysbek, Álibek Qasym, Madııar Raıymbek, Ǵafýrjan Súıimbaev, Dılshat Musaev, Eldos Ahmetov, Andreı Arshavın, Georgıı Jýkov, Aıbol Ábiken, Oıbek Baltabaev, Stanıslav Lýnın, Maksım Gladchenko.