Senator D.NAZARBAEVA: «Sırııa máselesinde seń qozǵaldy»

Parlament Senaty Halyqaralyq qatynastar, qorǵanys jáne qaýipsizdik komıtetiniń tóraıymy Darıǵa Nazarbaeva bastaǵan osy komıtettiń músheleri Qazaqstannyń 2014-2020 jyldarǵa arnalǵan Syrtqy saıasat tujyrymdamasyn iske asyrý máselelerin talqylady, dep habarlady Senattyń baspasóz qyzmeti. D.Nazarbaeva geosaıasat jáne álemdik dıplomatııa­da Astana prosesi retinde tarıh­qa engen Sırııadaǵy jaǵdaı­dy retteý jónindegi kelissóz­derdiń aıaqtalýymen Syrtqy ister mınıstrliginiń ujymyn quttyqtady. «Bul Elbasy­myzdyń saıası kúsh-jigeri men bizdiń elimiz dıplomattarynyń qajyrly qyzmetiniń arqasynda múmkin boldy. Osynaý asa mańyzdy ári nátıjeli jumys úshin komıtettiń atynan alǵys aıtamyn. Jedel nátıjeni eshkim kútip otyrǵan joq, degenmen, eń bastysy, Sırııa máselesindegi seń qozǵaldy, endi onyń oń baǵytta ǵana damıtynyna senim artamyz», – dedi senator. Syrtqy ister mınıstri Qaırat Ábdirahmanov syrtqy saıası qyzmettiń qaǵıdattary men qadamdary, maqsattary men mindetteri jáne basymdyqtary jónindegi negizgi máseleler kórinis tapqan Syrtqy saıasat tujyrymdamasymen senatorlardy egjeı-tegjeıli tanys­tyrdy. 2017-2018 jyldarǵa Birik­ken Ulttar Uıymy Qaýip­sizdik Keńesiniń turaqty emes múshesi laýazymyndaǵy Qazaq­stannyń jumysyndaǵy basym­dyq­tarǵa erekshe nazar aýdaryldy. D.Nazarbaeva BUU Qaýip­siz­dik Keńesindegi qazaqstandyq dıplomattardyń jumysyn respýblıkalyq elektrondy buqaralyq aqparat quraldary men basylymdarda jarııa etýdi ulǵaıtý qajettigine nazar aýdaryp, alǵa qoıylǵan min­det­terge qol jetkizýde elshiler qaýy­myna tilektestigin jetkizdi. Kezdesý barysynda, sondaı-aq, Qazaqstan Respýblıkasynyń BUU Qaýipsizdik Keńesine mú­sheligi barysynda Syrtqy ister mınıstrligi men Parla­menttiń ózara baılanysy; Qazaq­stannyń shet eldegi dıploma­tııalyq ókildikteriniń is-qımyly; elimizge ınvestısııalar men jańa tehnologııalardy tar­týdaǵy Qazaqstannyń syrtqy saıa­satyn ilgeriletý; Syrt­qy ister mınıstrligi qyz­met­ker­leriniń áleýmettik sala­daǵy ózekti máseleleri talqy­landy. Senatorlar Nurtaı Ábiqaev, Ikram Adyrbekov, Muhtar Altynbaev, Serik Jaqsybekov jáne Georgıı Kım elimizdiń syrtqy saıasat mekemesiniń jumysyn jetildirý jónindegi óz usynystaryn ortaǵa saldy.