Belarýs quramasynyń 28 jastaǵy jartylaı qorǵaýshy Ivan Maevskıı «Astana» fýtbol klýbymen kelisimshart jasady. Bul týraly komandanyń resmı saıty habarlady.
Jartylaı qorǵaýshy «Astana» komandasynyń Dýbaıda ótip jatqan oqý-jattyǵý jıynyna qosylyp, daıyndyqqa kirisip ketti.
Maevskıı sońǵy eki maýsymda Reseıdiń «Anjı» komandasynda oınaǵan bolatyn. 2015 jyldan bastap Maevskıı turaqty túrde Belarýs quramasyna shaqyrtý alyp, búginge deıin 12 oıyn ótkizgen.
Ivan Maevskıı alańda shabýyldaýshy jartylaı qorǵaýshynyń jáne jartylaı qorǵaýshynyń da rólin atqara alady. Buǵan deıin «Vertıkal» (2008-2009, Belarýs), «Partızan» (2009-2013, Mınsk, Belarýs), «Mınsk FK» (2012-2014, Belarýs), «Zavısha» (2015, Polsha) jáne «Anjı» (2015-2016, Reseı) klýbtarynda oınaǵan.