Fýtboldaǵy ǵumyrynyń basym bóligin Qostanaıdyń «Tobyl» komandasynda ótkizgen Nurbol Jumasqalıev Semeıdiń «Altaı» ujymyna aýysty. Bul týraly vesti.kz habarlady.
Aıta keteıik, maýsym aıaqtalysymen «Tobyl» jattyqtyrýshysy Omarı Tetradze onyń komandada qalmaıtynyn aıtqan. Sodan beri Jumasqalıev «Altaı» sapynda jattyǵyp júrgen. Al búgin kelisimshart jasaǵany belgili boldy.
Nurbolmen birge semeılikterge «Taraz» ben «Jetisýdan» Aleksandr Grıgorenko men Artem Kasıanov aýysty. Sonymen qatar, ótken maýsymda «Oqjetpeste» surmergendigimen tanylǵan Jasulan Moldaqaraev ta Premer-lıgaǵa bıyl ǵana joldama alǵan ujymnyń qataryna qosyldy.