2016 jyly 16 myń 417 otbasy nemese 33 myń 754 etnıkalyq qazaq tarıhı Otanyna qaıta oralyp, oralman mártebesin aldy, - dep habarlaıdy QR Eńbek jáne halyqty áleýmettik qorǵaý mınıstrliginiń baspasóz qyzmeti.
"Qazaqstanǵa kelgen oralmandardyń kópshiligi, ıaǵnı, 65,5 paıyzy - О́zbekstannan kelgen. Sondaı-aq, 24,9 paıyzy - Qytaıdan, 3,2 paıyzy - Túrikmenstannan, 2,7 paıyzy - Mońǵolııadan, 3,7 paıyzy - ózge elderden oralǵan qandastarymyz", - delingen mınıstrliktiń habarlamasynda.
Sondaı-aq, qandastardyń basym bóligi, ıaǵnı 33,9 paıyzy - Ońtústik Qazaqstan oblysyna, 25,4 paıyzy - Almaty oblysyna, 10,6 paıyzy - Mańǵystaý oblysyna, 5,8 paıyzy - Jambyl oblysyna, 24,3 paıyzy - elimizdiń ózge óńirlerine qonystanǵany aıtylyp otyr.
Elge oralǵan qandastarymyzdyń 65,4 paıyzy - eńbekke qabiletti jasta bolsa, 16 jasqa deıingileri - 28,6 paıyzy, zeınetkerler - 6 paıyzyn quraıdy.
Al eńbekke jaramdy etnıkalyq qazaqtardyń 10,8 paıyzynyń joǵarǵy bilimi bar bolsa, 20,3 paıyzynda orta arnaýly bilim bar, 65 paıyzy jalpy orta bilimi bar azamattar, al 3,9 paıyzynyń bilimi joq.