О́zbekstannyń «Býhara» fýtbol klýbynda aıtarlyqtaı ózgerister boldy. Komandanyń bas jattyqtyrýshysy Damshıd Saıdov pen onyń kómekshisi Tachmýrad Agamýradov qyzmetinen ketti. Bul týraly sports.kz habarlady.
Qazirgi ýaqytta klýb basshylyǵy atalmysh oryndarǵa laıyqty tulǵalardy izdeý ústinde. Sports.uz málimeti boıynsha bul qyzmetke О́zbekstan ulttyq quramasynyń burynǵy shabýylshysy Ulyqbek Baqaev taǵaıyndalýy múmkin.
Aıta keteıik, Baqaev Qazaqstan premer-lıgasynda Qostanaıdyń «Tobyl», Taldyqorǵannyń «Jetisý», Pavlodardyń «Ertis» komandalarynda oınaǵan. Sondaı-aq, 2004, 2010, 2011, 2012 jyldary el birinshiliginiń bombardıri atanǵan.