«Vıraj» kólikteri estafeta alaýyn tasymaldaıdy

Almatyda ótetin XXVIII Dúnıejúzilik qysqy Ýnıversıadanyń  saltanatty ashylý rásimi 29 qańtarda «Almaty Arena» sport kesheninde ótedi. Osynaý álem kóz tikken aıtýly dodanyń esta­fe­talyq alaýy 25 qańtarda  Astanadaǵy N.Nazarbaev Ýnıver­sıtette tutanyp, endi elimizdiń barlyq óńirin aralap shyǵady. Dúnıejúzilik qysqy Ýnıversıada dodasy estafetalyq alaýdyń jaǵylýymen bastalady.  Astana qalasynda jaǵylǵan alaý elimizdiń 14 oblysyn aralap, 29 qańtarda Almatyǵa jetkiziledi. Qysqy Ýnıversıadanyń esta­fetalyq alaýyn ary-beri tasy­maldaýǵa elimizdegi irgeli avtoholdıng sanalatyn «Vıraj» avto­salony arnaıy kólik bóldi. Ár óńirge jetkiziletin estafeta alaýy­nyń resmı avtotasymaldaý­shysy bolyp tanylǵan «Vıraj» avtoholdıngi oblys ortalyq­tary­na jetkizýge 60 kólik bóldi. Byltyrǵy jyldyń jeltoq­san aıynda «Ýnıversıada-2017» dırek­sııasynyń basshysy Naıl Nýrov pen «Vıraj» avtoholdınginiń bas dırektory Vladımır Kotelnıkov ar­naıy memorandýmǵa qol qoıyp, «Vıraj» kompanııasy Ýnıver­sıada­nyń resmı avtotasymaldaýshysy bolyp tanyldy. Kelisimshart jasasqanda «Ýnıver­sıada-2017» dıreksııa­synyń basshysy Naıl Nýrov bylaı degen edi: «Elimizdegi eń iri avtoholdıng sanalatyn «Vıraj» kompanııasymen árip­testik ornatqanymyzǵa qýanysh­tymyz. Atalǵan avtokompanııa­nyń basshylyǵy zamanaýı úlgidegi avtokólikterin berip, Ýnıver­sıada dodasy kezinde tasymaldaý jaǵynan kómek kórsetedi». «Vıraj» avtosalonynyń qoǵamdyq kólik­teri Ýnıversıadaǵa qatysýshy stý­dent-sportshylardy, arnaıy kelgen týrıs­­terdi, stýdentter saıysyn tamasha­laýǵa kel­gen qonaqtardy tasymaldaıtyn bolady. «Vıraj» avtokompanııasynyń bas dırektory Vladımır Kotel­nıkov Ýnıversıada oıyndaryn ótkizý dırek­sııa­synyń avtotasymaldaý sharýasyn «Vırajǵa» senip tapsyrǵany úshin alǵys­­taryn bildirgen bolatyn. «Bizdiń eli­miz­de osyndaı aıtýly dodanyń uıym­das­tyrylýy da zor mártebe. Qysqy Ýnı­ver­sıada oıyndary kezinde sportshy­lar men qala qonaqtaryn tasymaldap, eli­miz­degi mańyzdy dodaǵa qoldaý kórse­te­tinimizge maqtanamyz», degen-di Vladımır Kotelnıkov. XXVIII qysqy Ýnıversıada oıyn­darynyń estafetalyq alaý­yn ustap júrý, qala kósheleri­men sherýletý de úlken ­mereke. «Ýnıversıada-2017» dırek­sııa­sy­nyń basshysy Naıl Nýrov alaýdy ustap júrýshilerdi tań­daýda kóbine jastarǵa senim artyl­­ǵanyn aıtady. «Halyqaralyq masshtabtaǵy doda bolǵandyqtan qysqy Ýnı­ver­sıadanyń alaýyn elimizdiń ár óńirinde alyp júrý sharasy da joǵary deńgeıde ótkizilýi tıis. Stýdentter saıysy bolǵandyqtan ár óńirde estafetalyq alaýdy alyp júrý qurmetine negizinen jastar tańdap alyndy. Eń aldymen joǵary oqý ornynda oqý úzidigi atanyp, ózgelerge úlgi bola bilgen stýdentter, sportshy­lar, jas ǵalymdar, óner, mádenıet, rýhanııat, ekonomıka sekildi sala­lar­­da talantymen tánti etken jas­tar da Ýnıversıada alaýyn us­tap júrý qurmetine ıe bolady», deıdi «Ýnıversıada-2017» dırek­sııasynyń basshysy Naıl Nýrov. Astana qalasynda tutanatyn Ýnı­ver­sıada alaýy Almaty qala­sy­na jetkenge deıin 22 500 shaqy­rym jol júredi. 22 500 sha­qy­rym­nyń ishinde 200 sha­qy­­ry­myn­da estafetalyq alaýdy us­taý­­­shylar qala kóshelerimen júrip ótedi. XXVIII qysqy Ýnıversıada oıyn­dary­nyń jáne Estafetalyq alaýdy alyp júrý sharasynyń resmı avtotasymaldaýshy dep tanylǵan «Vıraj» avtosalony 14 oblysqa 60 qoǵamdyq kóligin bóldi. Elimizde 17 dılerlik orta­lyǵy bar «Vıraj» holdıngi ból­gen GAZ avto­kólikterine Ýnı­­ver­sıada oıyndary bederlengen qaǵazdar japsyrylyp, bezendiriledi. Qoǵamdyq kólik­terdiń Ýnıversıada oıyndarynda sportshylar men qonaqtardy tasy­maldaıtyny sonadaıdan aıqyndalady. «Vıraj» avtoholdınginiń Almaty qalasyndaǵy fılıaly da qysqy Ýnı­versıada oıyndaryna bólgen kólikteriniń saqadaı-saı ekenin aıtady. Almatyǵa kelgen stýdent-sportshylardy, tóreshilerdi, qala qonaqtaryn tasymaldaýǵa arnaıy jabdyqtalǵan 95 «GAZel Next Citiline» markaly avtobýs­tar bólindi. 2015 jyly qurastyrylǵan avtobýstar qala kóshelerinde júrýge óte yńǵaıly, qalaaralyq qatynas kezinde de adam­darǵa yńǵaıly bolady deıdi «Vıraj» avtoholdınginiń mamandary. Qysqy Ýnıversıada oıyndary kezinde táýlik boıy toqtaýsyz júretin «Vırajdyń» arnaıy bólingen avtobýstary saıysqa qatysýshylardy dittegen jerine mejeli ýaqytta jetkizedi. Qysqy Ýnıversıada oıyn­dary­nyń resmı avtotasymaldaý­shysy «Vıraj» avtoholdıngi elimizdegi avtomobl naryǵyndaǵy irgeli ujym sanalady. GAZ bren­dimen arnaıy tehnıka da quras­tyryp, satý arqyly el ekonomıkasyna eleýli úlesin qosyp keledi. 2006 jyldan beri qaraı avtoholdıng avtomobıl óndirisine orasan úlesin qosyp keledi. «Vıraj» avtoholdınginiń joǵary tehnologııamen qurastyrylǵan jeńil, arnaıy kólikter, avtobýstary úlken suranysqa ıe. Máselen, GAZ markaly avtokólikterinen ózge «GAZel Next Citiline» markaly shaǵyn avtobýstaryna da qyzy­ǵý­shylardyń sany artyp keledi. Ýnıversıada oıyndary kezinde qala qonaqtary men saıysqa qaty­sý­shylardy tasymaldaıtyn jáne estafetalyq alaýdy ár qalaǵa jetkizetin avtosherýde júretin «GAZel Next Citiline» markaly kó­li­gine de suranys artatyny belgili. Estafeta alaýyn Astana qalasynan bastap alyp júrip, 14 oblys ortalyǵyn aralap, sońynan Almaty qalasyna jetkizý sharýasy da ońaı emes. Qazir qystyń kózi qyraý. Soltústik, shyǵys, batys oblystarda, tipti Astana mańynda da qaqaǵan aıaz qysyp, qasat qar adymyńdy ashtyrmaıdy. Mine, osyndaı aıazdy kúnderi estafeta alaýyn alyp júrýshilerdiń tońyp qalmaýy úshin «Vıraj» avtokólikterinde barlyq jaǵdaı jasalǵan eken. Estafetalyq alaýdy alyp júrýshi­ler­den ózge eki apta boıy Almaty qalasynda stýdent-sportshylardy, bapkerlerdi, medısına mamandaryn Atletter qalashyǵynan, qonaqúılerden sporttyq saıystar ótetin jerge jetkizý de «Vıraj» avtobýstary paıdalanylady. Elimizdiń ǵana emes, álemniń ár qıyrynan kelgen buqaralyq aqparat quraldary ókilderin jarys ótetin sporttyq keshenderden baspasóz ortalyǵyna, Atletter aýylyna tasymaldaý da «Vıraj» avtoholdıngine tapsyryldy. Avtoholdıng Almatyda ótetin qysqy Ýnıversıada úshin arnaıy jabdyqtap, 98 avtobýs bóldi. «Jumyla kótergen júk jeńil» degendeı HHVIII qysqy Ýnıversıada oıyndarynyń joǵary deńgeıde uıymdastyrylyp, álem tamsanatyndaı ótýi úshin árkim de óz úlesin qosýy kerek. Nurdan KО́ShIM ALMATY