Cyrt kóz – synshy

Lev Korolkov, reseılik áskerı sarapshy

Qazaqstan Prezıdentiniń bitimgershilik róli joǵary

Reseı jáne Túrkııamen árip­testigi turǵysynan Qazaq­stan ­aımaqtaǵy ahýaldyń beıbit sheshim tap­qanyn qoldaıdy. Sondyqtan, Astana Sırııa máselesinde Ankara men Máskeýdiń ortaq mámilege kelgenine múddeli. Byltyr Reseı men Túrkııa qatynasynyń alshaqtaǵan kezinde Rejep  Erdoǵan men Vladımır Pýtın arasynda dıplomatııalyq qatynastyń qalpyna kelýine Qazaqstan Prezıdentiniń qosqan úlesi orasan. Osy turǵyda Qazaqstannyń Sırııa máselesinde de araaǵaıyndyq tanytý maqsatynda jasaǵan alǵashqy qadamdary aldaǵy ýaqytta óz jemisin berýi tıis. Osydan birer jyl buryn Almatyda ótken Irannyń ıadrolyq baǵdarlamasy boıynsha resmı  Tegeran men Germanııa bastaǵan bestiktiń kelissózi de keıinnen Iranǵa qarsy salynǵan Batys sanksııalarynyń alynyp tastalýyna alǵyshart jasaǵany belgili. Al bıyldan bastap Qazaqstannyń BUU Qaýipsizdik Keńesiniń turaqty emes músheligine ótýi eldiń halyqaralyq arenada tórelik aıtýyna tolyqtaı quqyq beredi.   Mıhael Laýbsh, nemistiń Ortalyq Azııa elderi boıynsha saıası sarapshysy  

 Resmı Astana aımaqtaǵy turaqtylyqqa múddeli

Qazaqstannyń Sırııadaǵy saıası daǵdarysta araaǵa­ı­yn­dyq tanytýy, eń aldymen, bul eldiń aımaqtaǵy beı­bit­shilikti qalaıtynyn baıqatsa kerek. Bul turǵyda res­mı Astana Bashar Asad rejimi men oppozısııanyń biriniń soıylyn soǵyp otyrǵan joq, Astananyń maqsaty – Sırııada beıbitshiliktiń qaıta ornaýy. О́ńirdegi eń damýshy elderdiń biri retinde Qazaqstanǵa aımaqtaǵy Reseı, Túrkııa men Batys elderi yqpalynyń tepe-teńdigi mańyzdy. Syrtqy saıasatta kópvektorly baǵytty ustanǵan resmı Astana joǵaryda atalǵan elderdiń eshqaısysymen dıplomatııalyq qatynasyn buzyp almaýǵa umtylady. Ekinshi jaǵynan, Sırııadaǵy radıkaldy túrli toptardyń aımaqtaǵy qaýipsizdikke kedergi keltirmeýi úshin Qazaqstan Sırııadaǵy jaǵdaıdy Reseı, Túrkııa men Irannyń baqylap otyrýyna múddeli. «Islam memleketiniń» (Qazaqstanda tyıym salynǵan) Ortalyq Azııaǵa tóngen eń basty qaýip ekenin eskersek, Qazaqstan Sırııadaǵy ahýaldyń tezirek rettelýi úshin qoldan kelgenin jasaıdy.   Djelaladdın Iаvýz, Túrkııanyń otstavkadaǵy polkovnıgi, áskerı sarapshy, burynǵy syrtqy ister mınıstri

 Astananyń joly –  dıplomatııa

Sırııadaǵy saıası daǵdarysty toq­­ta­tý úshin, eń aldymen, Sırııa hal­qy­nyń birligi, qazirgi resmı bılik Bashar Asad rejiminiń halyqty bir qol astyna top­tastyrýy  kerek. Halyqaralyq qoǵamdastyqtyń bul tur­ǵyda eldegi túrli toptardy jeke-jeke qoldaǵanynan gór­i, shy­ny­men de aımaqtaǵy beıbitshilikti qalaıtyn bolsa, res­mı bıliktiń nyǵaıýyna mursha bergeni jón. Bul turǵyda Qazaqstannyń eńbegin atap ótý kerek. Eldegi qandaı da bir saıası toptyń soıylyn soǵýdyń ornyna, barsha Sırııa halqynyń birligi úshin óńirlik derjavalardyń basyn biriktire otyryp, ortaq únqatysý alańyn usynýy Astananyń Sırııa máselesiniń sheshim tabýyna yqpal etýge umtylatynyn kórsetedi. Qazaqstannyń syrtqy saıasattaǵy beıbit ustanymy Túrkııa men Reseıdiń osy máselede ózara ymyraǵa kelýine jaǵdaı jasaıdy. Jalpy, óńirdegi saıası máselelerdiń oń sheshim tabýy úshin Qazaqstan Batys elderimen de yntymaqtastyqty úzbek emes. Oǵan Astanadaǵy sharaǵa AQSh elshiliginiń qatysýy  dálel.