«Áziret Sultan» memlekettik tarıhı-mádenı qoryq-murajaıy 2016 jyldyń qorytyndysy boıynsha Ulttyq bıznes-reıtıng baǵdarlamasynyń «О́rleý qarqyny» nomınasııasynda Qazaqstan mýzeıleri boıynsha «Sala kóshbasshysy» ataǵyna, «Altyn» reıtıngisine ıe bolyp, Halyqaralyq sertıfıkatpen jáne arnaıy «Altyn qyran» medalimen marapattaldy, dep habarlaıdy Mádenıet jáne sport mınıstrliginiń baspasóz qyzmeti.
Ulttyq bıznes-reıtıngi - Qazaqstan, Reseı, Belarýs, Ýkraına memleketter odaǵynyń negizindegi reıtıngileýdiń jyl saıynǵy jalpy memlekettik táýelsiz baǵdarlamasy. Bul baǵdarlamanyń eńbek marapattary ár sala kásiporyndary men mekemeleriniń qyzmetindegi joǵary kórsetkishteri men Qazaqstan memleketiniń damýyna qosqan úlesi úshin beriledi.
2016 jyly «Áziret Sultan» qoryq murajaıynda birqatar mańyzdy sharalar ótken bolatyn. «Qoja Ahmet Iаsaýı murasy men iliminiń zerttelý máseleleri» V halyqaralyq ǵylymı-tájirbıelik konferensııa jáne 22-23 qyrkúıek aralyǵynda dástúrli «Iаsaýıtaný» halyqaralyq bilim baıqaýy bolyp ótti. Ataýly bul mańyzdy is-sharalarǵa Anglııa, Túrkııa, Reseı, О́zbekstan, Qyrǵyzstan Tájikstan t.b. shetelderden jáne otandyq ıasaýıtanýshy ǵalymdar jáne respýblıkamyzdyń túkpir-túkpirinen oqýshylar qatysty.