AQSh-qa jasaǵan saparynda Ulybrıtanııa úkimet basshysy Tereza Meı AQSh bıligin Reseımen qatynasty jaqsartýǵa shaqyra otyryp, báribir Pýtınniń saıasatynan saq bolýdy eskertti, dep BBC.
"Reseımen aradaǵy qatynasta Reıgannyń saıasatyn úlgige alý kerek. Ol Mıhaıl Gorbachevpen dostyq qatynasta bolǵanymen, tolyǵymen senip ketken joq. Pýtınmen de baılanysty jaqsarta otyryp, odan da abaı bolý kerek", - dedi Tereza Meı.
Sonymen qatar Ulybrıtanııa basshysy AQSh-Ulybrıtanııa baılanysynyń óz múddelerin saqtaı otyryp, bir kezderi sátsiz jasalǵan ıntervensıonalızm saıasatyn qaıta qolǵa almaý kerektigin aıtty.
"Budan bylaı Ulybrıtanııa men AQSh ózge elderdiń ishki saıasatyna aralasyp, dúnıeni ózgertýge degen áreketterin qoıýy kerek", - dedi Meı.
"Degenmen, másele bizdiń múddemizge qaıshy bolsa, onda tıisti shara qabyldanǵany jón", - dedi premer.
"Máselen, Taıaý Shyǵystaǵy Izraıldiń qaýipsizdigi men Baltyq jaǵalaýyndaǵy Estonııanyń múddesin saqtaý úshin biz óz úlesimizdi qosýymyz kerek", - dedi.
Sonymen qatar Ulybrıtanııa basshysy eki el arasyndaǵy qatynasty qaıta damytyp, álemdegi kóshbasshylyqty qaıta qolǵa alatyn ýaqyt kelgenin aıtty.