Orta salmaqtaǵy brıtanııalyq boksshy kishi Krıs Iýbenk sharshy alańda qazaqstandyq Gennadıı Golovkınmen kezdeskisi keletinin málimdedi. Bul týraly sports.kz habarlady.
«Men tıtýl úshin ekinshi orta salmaqta bokstasamyn. Biraq bul tek osy salmaqta rıngke shyǵamyn degendi bildirmeıdi. Orta salmaqta aıaqtalmaǵan jumystarym kóp. Eń birinshi Bıllı Djo Sonderste ketken esemdi qaıtarǵym keledi. Sońǵy eki jylda osy jekpe-jekti taǵy da ótkizýdi armandap júrmin», – dedi ol.
«Sonymen qatar, orta salmaqta jeńilip kórmegen Golovkın bar. Ony da jeńe alatynymdy jaqsy bilemin. Shamasy, onymen judyryqtasqysy keletin jalǵyz men ǵana bolarmyn. Bul keshtiń 2017 jyly bolǵanyn qatty qalaımyn. Al Djeıkobsqa keler bolsaq, oǵan bul kezdesýdi mindettegennen keıin amalsyzdan kelisip otyr», – dedi kishi Iýbenk.
Aıta keteıik, GGG men kishi Iýbenk arasyndaǵy aıqas ótken jyly qyrkúıek aıynda ótýi tıis bolatyn. Alaıda, brıtanııalyqtyń ákesiniń aralasýynan qos tarap ortaq ymyraǵa kele almady. Nátıjesinde, Golovkın onyń otandasy Kell Brýkpen kezdesýine májbúr boldy.
Al Abel Sanches (GGG-dyń bapkeri) óz kezeginde áıgili boksshylardyń shákirtin jekpe-jekke tek áleýmettik jeliler arqyly shaqyratynyn, sol sebepti nıet tanytqandarmen aıqasqa shyǵatynyn málimdedi.