Almaty oblysy sheteldikter men qazaqstandyqtar úshin tartymdy bola bastady. 2016 jyly oblys aýmaǵyna kelip, resmı tirkelgen sheteldik azamattar týraly aqparatty jarııalaǵan óńirdiń polısııa qyzmeti osyndaı qorytyndy shyǵardy, dep habarlaıdy QazAqparat.
2016 jyly oblys aýmaǵyna shamamen 265 myńnan astam sheteldik azamat kelgen. Olardyń sany osynyń aldyndaǵy jylmen salystyrǵanda 13,7%-ǵa artyp otyr. Kelýshilerdiń óńirde bolý maqsaty da ártúrli. Biri týrıst retinde tabıǵat sulýlyǵyn kózimen kórgisi kelse, ekinshisi iskerlik maqsatta, úshinshisi jeke máseleleri boıynsha Almaty oblysynyń aýmaǵynda bolǵan.
Aıta keteıik, 2016 jyly Almaty oblysynyń aýmaǵynda turatyn 3136 adam Qazaqstan azamattyǵyn alǵan. Budan bólek, byltyr kámeletke tolǵanymen jeke basyn kýálandyratyn qujaty bolmaǵan oblystyń 1185 turǵyny Qazaqstannyń tolyqqandy azamaty retinde qujattaryn rásimdegen.