Ispanııanyń arheologtary Kabrera aralyna jaqyn jerde (Balear araldarynyń quramyna jatady) sý astynan Rım ımperııasyna tıesili kemeni tapty. Ol shamamen 1,8 myń jyl buryn batyp ketken, dep habarlaıdy RIA "Novostı" aqparat agentti.
Qazir keme 70 metr tereńdikte jatyr. О́z ýaqytynda qumyralar tasymaldaýmen aınalysqan. Sý astynda qansha jyl jatsa da qysh ydystar jaqsy saqtalǵan. Mamandardyń aıtýynsha bul Balear araldarynan tabylǵan eń qundy jádigerdiń biri.
Kabrera araldarynan Rım ımperııasynyń kezinen barlyǵy 12 keme tabylǵan.
Bul habardy alǵash bolyp jergilikti balyqshylar jetkizgen. Olardyń balyq aýlaýǵa arnalǵan torlaryna ydystardyń synyǵy túsken. Byltyr sáýir aıynda ǵylymı ekspedısııa osy mańaıǵa eki robotty sýǵa túsirip, olardyń kómegimen qum arasynan túrli kólemdegi qumyralardy fotoǵa túsirdi.
Sonymen qatar, qazan aıynda eki súńgýir kemeni zertteý úshin birneshe ret sý túbine jibergen. Olar 2 myńnan astam túsirilim jasady. Arheologtardyń málimetterinshe, keme bizdiń dáýirimizge deıingi III-IV ǵasyrlarǵa jatady.