«Altaı» fýtbol klýbyn bolgar mamany Ilıan Ilıev jattyqtyratyn boldy. Bul týraly klýbtyń baspasóz qyzmeti habarlady.
Jattyqtyrýshy sporttyq mansabynda tanymal fýtbolshy da bolǵan. Bolgarııa chempıonatynyń birneshe dúrkin jeńimpazy. Ulttyq qurama sapynda 1998 jyly Fransııada ótken álem chempıonatyna qatysqan. Bolgarııanyń «Cherno more» jáne «Levskı» klýbtarynda oınaǵan. Sondaı-aq, AEK (Grekııa), «Benfıka» (Portýgalııa), «Býrsaspor» (Túrkııa) jáne «Altaı» (Túrkııa) klýbtarynda oınaǵan.
Ilıan Ilıev – Bolgarııadaǵy tanymal jattyqtyrýshylardyń biri. Klýbtyq deńgeıde «Cherno More», «Beroe», Levskı klýbtaryn jattyqtyrǵan. Sońǵy ret Plovdıvtiń «Lokomotıv» fýtbolshylaryna jetekshilik etken.
Aıta keteıik, «Altaı» ótken maýsymda qosymsha joldama úshin talasta «Tarazdy» 3:0 esebimen utyp, premer-lıgaǵa joldama alǵan bolatyn.