Búgin «Almaty Arena» muz saraıynda XXVIII Dúnıejúzilik qysqy Ýnıversıadanyń ashylý saltanaty ótedi. Dodanyń ashylý saltanatyn «Qazaqstan» jáne «Kazsport» telearnalary tikeleı efırde kórsetedi. Translıasııanyń bastalýy 18:55-te, dep habarlaıdy QazAqparat.
Almatyda ótetin Dúnıejúzilik qysqy Ýnıversıada oıyndarynda el namysyn 12 sport túrinen 175 sportshy qorǵaıdy.
Buǵan deıin habarlaǵanymyzdaı, Ýnıversıadanyń ashylý saltanatynda tek qazaqstandyq ártister, oryndaýshylar, bıshiler óner kórsetedi. 28-shi Búkilálemdik qysqy Ýnıversıadany daıyndaý jáne ótkizý jónindegi dıreksııasy dırektory Naıl Nýrovtyń aıtýynsha, ashylý saltanatyn qoıý, óńdeý, dekorasııasyn jasaýǵa tek qazaqstandyq kompanııalar qatysqan.