Shveısarııanyń Non qalasynda jastar arasyndaǵy «Eýro-2019» irikteý dodasynyń jerebesi tartylyp, qazaq jastarynyń qarsylastary anyqtaldy.
Jerebe tartý barysynda Qazaqstan jastary Belarýs, Kıpr, Bosnııa, Ázerbaıjan syndy quramalarmen birge besinshi sebetke túsken. Sondaı-aq, sońǵy saıası tótenshe jaǵdaılarǵa baılanysty ÝEFA basshylyǵy jerebe tartý barysynda Ispanııa men Gıbraltardy bir topqa túspeıtindeı etti. Budan bólek, Kosovo jastary da Bosnııa nemese Serbııa quramalarymen kezdese almaıtyndaı qyldy.
Al jalpy, 2019 jyly Italııada ótetin Eýropa chempıonatynyń fınaldyq kezeńine beriler 11 joldamaǵa 54 qurama talaspaq. Barlyǵy toǵyz top. Top jeńimpazdary birden Apennın túbegine beriler tikeleı joldamalarǵa ıe bolsa, óz toptarynda ekinshi oryn alǵandardyń ishindegi úzdik tórteýi qalǵan eki joldamany eki oıynnan turatyn irikteý oıyndarda sarapqa salady.
Qazaqstan jastary Fransııa, Slovenııa, Qarataý, Bolgarııa jáne Lıýksembýrg quramalaryna qarsy oınaıdy. Irikteý dodasy osy jyldyń naýryz aıynda bastalady.
Aıta keteıik, Qazaqstan jastar quramasynyń bas bapkerlik qyzmetine jaqynda ǵana otandyq maman Vladımır Nıkıtenko taǵaıyndalǵan bolatyn.
Qazaqstan jastarynyń oıyndar kestesi
28.03.2017. Lıýksembýrg – Qazaqstan
13.06.2017. Chernogorııa – Qazaqstan
01.09.2017. Qazaqstan – Chernogorııa
05.09.2017. Fransııa – Qazaqstan
06.10.2017. Bolgarııa – Qazaqstan
10.10.2017. Qazaqstan – Bolgarııa
23.03.2018. Qazaqstan – Fransııa
27.03.2018. Qazaqstan – Lıýksembýrg
07.09.2018. Qazaqstan – Slovenııa
11.09.2018. Slovenııa – Qazaqstan