Astana ákimi Áset Isekeshevtiń tóraǵalyǵymen qala qurylysy keńesiniń otyrysy ótip, onda saıabaqtar men gúlbaqtar salý, elorda kóshelerin jaryqtandyrý, kógaldandyrý jáne abattandyrý máseleleri qaraldy, dep habarlaıdy QazAqparat.
Keńes músheleri iri jasyl alqaptar jasaý arqyly ekojúıeni jaqsartý úshin qazirgi kógaldandyrý badarlamasyn damytýdy usyndy.
Kóptegen jergilikti alańdarmen, rekreasııalyq aımaqtary bar gúlbaqtarmen jáne tıisti ınfraqurylymmen polısentrıstik qala jasaý arqyly óz úıleriniń janynda jaıly ortada otbasymen demalý máselesin sheshýge bolady, deıdi sarapshylar. Osylaısha, shalǵaı jerde ornalasqan demalys oryndaryna barý qajettiligi joıylady.
«Kreatıvti jobalar» baǵdarlamasy aıasynda elordanyń túrli bóliginde 17 saıabaq pen gúlbaq jasaý boıynsha joba belsendi ázirlenýde. Olardyń úsheýi boıynsha jobalaý jumystary aıaqtaldy.