Qazaqstan Prezıdenti Nursultan Nazarbaev 28-shi Dúnıejúzilik qysqy Ýnıversıada oıyndaryn ashyq dep jarııalady.
«Búgin Uly Dala elinde saltanatty sporttyń – uly merekesi. Jastar saıysyna 57 elden 2 myńnan astam sportshy, myńdaǵan sport mamany men jankúıer jınaldy. Sport beıbitshilik pen tatýlyqtyń, yntymaqtastyq pen tilektestiktiń sımvoly. Qonaqjaı Qazaqstan jerine hosh keldińizder!» – dedi Memleket basshysy.
«Jer jahan kóz tikken bul Ýnıversıada naǵyz jastyq jigerdiń armany, jarqyn jeńisterdiń bastaýy, bolashaq Olımpıada chempıondarynyń mektebi. Qysqy Ýnıversıada Táýelsiz memleketter dostastyǵy aýmaǵynda tuńǵysh ret bizdiń elimizde ótkizilip otyr, bul – bizdiń elimiz úshin mártebe», – dedi Elbasy.
Sonymen qatar, Prezıdent Ýnıversıada qarsańynda Almatyda birneshe sport nysany salynǵanyn aıtyp ótti. «Munyń bári otandyq sporttyń ınfraqurylymyna salynǵan ınvestısııa», - dedi Elbasy.