Eńbek quqyǵy qalaı qorǵalýda?

Qazirgi tańda eńbek ujym­­darynda eńbek zań­namasynyń talap­­taryn saqtaý ózekti másele bo­lyp otyr. Qoǵam­daǵy eńbek qaty­nas­tary tý­ra­ly oı da ár aza­mat­ty tolǵandyrar ta­qy­ryp. Alaıda, qoǵamda kóp rette eńbek nary­ǵy­­na baılanysty keıbir máse­lelerdiń týyn­dap ja­ta­tyny bar. Keıde eń­bek qaýipsizdigi jáne eńbek­ti qorǵaý salasy­nyń talap­taryn saqta­maý sal­darynan óndiris­tik jaza­taıym oqıǵalar da oryn alyp jatady. Jambyl oblysy ákim­digi eńbek ınspeksııasy bas­qarmasynyń basshysy Ser­ǵalı Aıdapkelov ótken jyly azamattardyń eńbek quqyq­taryn qorǵaý maqsatynda uıymdar men kásiporyndarda jospar­ly jáne aǵymdaǵy tártippen eńbek zańnamasy­nyń saqtalýy­na memleket­tik baqylaý salasynda birqa­tar jumystar atqarylǵanyn habarlady. Sondaı-aq, basqarma bas­shysy eńbek ınspeksııasy­na kelip túsken shaǵymdar sany­nyń kóbeıgenin, azamattardyń áleýmettik belsendiliginiń jáne quqyqtyq saýattylyǵynyń artqanyn, sol sııaqty, jumys berýshilerdiń tarapynan eńbek zańnamasyn buzý faktileri­niń jıilegenin de aıtyp ótti. Oblysta óndiristik júıeni, eń­bek quqyǵyn qamtamasyz etý jáne jumyskerlerdi jumysqa ornalastyrýdy turaqtandyrý maqsatynda ákimdik, jumys berýshi jáne kásipodaqtar arasynda 67751 jumysshyny qamtıtyn 2619 eńbek ujymynda memorandýmdar qabyl­dan­ǵanymen, kásiporyndarda eńbek zańnamasyn buzý fakti­leri áli de oryn alýda. О́t­ken jyl basynan beri pro­kýra­týra organdarymen bir­lese júrgizgen tekserýdiń nátı­­jesinde, 14 kásiporynda 6145 jumyskerge 686,811 mıl­­lıon teńgeniń jalaqy qaryzy bary anyqtalǵan. Jal­py, qabyldanǵan sharalar nátı­jesinde jáne kásiporyn bas­shylaryna jalaqy boıynsha bereshekti óteýdiń qatań kestesi men merzimderin belgileý nátı­jesinde, 6083 jumyskerdiń qu­qyǵy qorǵalyp, olarǵa 669,37 mıllıon teńge jal­aqy qaryzy ótelgen. Al aǵym­daǵy jyldyń basyna 62 jumyskerdiń aldynda jalpy somasy 17,441 mıllıon teńge kóleminde jalaqy qary­zy oryn alýda. Serǵalı О́mir­zaq­uly memlekettik eńbek ıns­­peksııasy qyzmetiniń ma­ńyz­dy baǵyttarynyń biri aza­mat­tardyń shaǵymdaryn qaraý eke­nin, bul jumys aımaqtaǵy eń­bek zańnamasy saqtalýynyń jal­py jaı-kúıin jaqsartýǵa eleý­li úles qosatyndyǵyn jáne baqy­laý jumystaryn jos­par­laý­ǵa kómektesetinin aıtyp otyr. Bul óz kezeginde eńbek quqy­ǵyn arttyrýǵa sep bolary anyq. Hamıt ESAMAN, «Egemen Qazaqstan» TARAZ