Qazirgi tańda elimizde qorshaǵan ortany qorǵaýǵa, jasyl ekonomıkanyń damýyna, jahandyq ilgerileý men damyǵan otyz eldiń qataryna kirýge talpynyp, túrli sharalar qolǵa alynýda. Ońtústik óńirimizdiń kópshiligi tabıǵı gazben jabdyqtalǵan. Bul da ekologııany lastaý máselesin tejeýdiń bir amaly. Sol sııaqty, qaladaǵy kólikterdiń de basym kópshiligi gaz qondyrǵysyna aýysqan. Onyń naryqtyq baǵasynyń janarmaı baǵasynan arzandyǵy da turǵyndar qaltasyna tıimdi.
Endi kókeıge túıer bir másele, kólikterine gaz qondyrǵysyn ornatqan turǵyndar onyń qaýiptiligi men jaýapkershiligin joǵary sezinýi kerek. «Árbir tutynýshy óz quqyn bilip, satýshy aldynda talap ete alsa, qolaısyz jaǵdaılar men keleńsiz jaıttardyń aldyn alar edi. Máselen, siz gaz quıý stansasyna kóligińizge gaz quıý úshin barsańyz, ónimniń sáıkestigin rastaıtyn jáne ólshem quraldarynyń salystyrý-tekserýden ótkendigi týraly sertıfıkattaryn talap ete alasyz. О́lshem quralynyń salystyrý-tekserýden ótkendigi týraly sertıfıkat sol quraldyń dálme-dál ólshem nátıjesin beretindigin rastaıdy. Mundaı qujatsyz qural ólshem nátıjelerine kepil bola almaıdy. Bul «О́lshem birligin qamtamasyz etý týraly» zańmen rettelgen. Zań talaptaryna sáıkes, memlekettik metrologııalyq baqylaýǵa jatatyn kez kelgen ólshem quraly serııamen shyǵarylady nemese elimizge partııalarmen ákelinip, qoldanýǵa arnalǵan ólshem quraldary paıdalanýǵa berilý aldynda synaqtan ótkizilip, bekitiledi. О́lshem quralynyń bekitilgen jáne metrologııalyq attestattaýdan ótkenderi ólshem birligin qamtamasyz etýdiń memlekettik júıesi tizimine enedi», deıdi Tehnıkalyq retteý jáne metrologııa komıteti Astana qalasy boıynsha departamentiniń bas mamany Nurbolat Bekbolatuly. Onyń aıtýynsha, bekitý maqsatynda synaqtan nemese metrologııalyq attestattaýdan ótpegen ólshem quraldaryn aınalysqa shyǵarýǵa, paıdalanýǵa berýge, qoldanýǵa, ótkizýge jáne jarnamalaýǵa tyıym salynǵan. О́ndiristen nemese jóndeýden shyǵarylǵan, paıdalaný jáne ımportpen ákelý kezinde bekitilgen, metrologııalyq attestattaýdan jáne ólshem birligin qamtamasyz etýdiń memlekettik júıesi tizimine tirkelgen ólshem quraldary salystyrylyp, tekseriledi eken. Osy zań talaptaryn buzǵan jeke jáne zańdy tulǵalarǵa Ákimshilik quqyq buzýshylyq týraly kodeks aıasynda jaýapkershilik qaralǵanyn esten shyǵarmaǵan jón.
Sóz oraıynda aıta ketsek, jaqynda Astana qalasy turǵynynyń shaǵymy negizinde «Al-Bars Gaz» JShS kólikterge gaz quıý stansasyna jospardan tys tekseris júrgizilgen. Nátıjesinde, qyzmet kórsetý ortalyǵy salystyrý-tekserýden ótpegen jáne elimizdiń ólshem birligin qamtamasyz etýdiń memlekettik júıesi tizimine enbegen gaz quıý qondyrǵysyn qoldanatyny anyqtaldy. Bul qondyrǵy jumys istegen sátten bastap júrgizilgen saýda operasııalarynda halyqqa satylǵan gaz kóleminiń dál eseppen jiberilmegenin bildiredi. Iаǵnı, tutynýshynyń zardap shegýine ákeletin ahýal. Shara sońynda kásiporynǵa ákimshilik aıyppul salynyp, jaramsyz dep tanylǵan ólshem quralyn qoldanystan alyp tastaýǵa nusqaýlyq berildi. Jáne qoǵam aldyndaǵy jaýapkershilikteri túsindirildi.
«Kez kelgen tutynýshy qandaı salada bolmasyn, memlekettik metrologııalyq qyzmette qoldanylatyn ólshem quralynyń zańsyz qoldanysyn baıqasa, saýda operasııalaryn jasaý kezinde ıelikten shyǵarylatyn taýarlar sanyn, salmaǵyn, kólemin, shyǵysyn nemese basqa shamalaryn anyqtaýdyń durystyǵyna kúmándi bolsa, ólshep oralǵan taýarlardyń qaptamasynda kórsetilgen sanǵa sáıkes kelmeý faktisi anyqtalǵan jaǵdaıda Tehnıkalyq retteý jáne metrologııa komıtetiniń jergilikti departamentine hat joldaýǵa quqyly», deıdi quzyrly mekeme ókili.
Rasynda, aramyzda óz quqyn bilmeıtinder kóp-aq. Biz qunttaı bermeıtin dúnıeler irili-usaqty zań buzýshylyq áreketterge sebep bolyp jatatynyn túsingen durys. Keıde, osyndaı bolmashy uqypsyzdyǵymyzdan zardap shegip, zalalyn tartatynymyz da jasyryn emes. Sál sergektik tanytyp, ár isimizge jaýapkershilikpen qarasaq, ıgi bolar edi.
Ashat Raıqul,
«Egemen Qazaqstan»